منتديات الرسام قصي حميد Forums of the artist qaussy hameed
أهلا وسهلا بكم زوارنا الكرام نرجو منكم التسجيل في المتدى
ونرحب بكم في منتديات الرسام قصي حميد


أهلا وسهلا بكم زوارنا الكرام يرجى التسجيل لروئية المساهمات
 
الرئيسيةالرئيسية  المجموعاتالمجموعات  التسجيلالتسجيل  دخولدخول  

شاطر | 
 

 دارميات مصطفى لاسدي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mustafa
Admin
Admin
avatar

عدد المساهمات : 70
نقاط : 14062
تاريخ التسجيل : 10/02/2010
العمر : 27
الموقع : مصطفى الأسدي

مُساهمةموضوع: دارميات مصطفى لاسدي   الجمعة سبتمبر 03, 2010 11:57 pm

asasa asasa
حني يبنت الناس مرة اعلة حالي***صدكيني آنة اهواج وانتي بخيالي


ردت عليه..وكالت..


لاحن ولا اهواك ماعرفك آنة***لاتحجي بعد وياي كافي ميانة


رجع المغرم وكال..


ما اكدر آنة اساج صرتي انتي روحي***وبلمسة ايدج هاي تذبل جروحي


جاوبتة البنية بهذا الرد..


امشي يخوية وروح والعن ابليسك***مو سلعة آنة وجاي ياخذني جيسك


جاوبهة المغرم..


مو سلعة انتي ادريج انتي حياتي***واتمنة يمج كون يحصل مماتي


كررت البنية كلمة خوية وجاوبت..


كافي يخوية وروح وابتعد عني***تلكة بنات هواي حتى احلة مني


كال المغرم..


من بين كل الناس كلبي يريدج***وسلمت هاي الروح ياحلوة بيدج


بدت تمل كلامة البنية وردت..


أيس يخوية وروح لاتاذي كلبك***ماريدك وماريد ياخذني حبك


رجع صاحبنة المغرم..وجاوب..


هيجي يبنت الناس صعبتي امري***دمرتي حلم الروح ضيعتي عمري


ضاجت البنية كلش وجاوبت بعصبية..


ماريدك وماريد كربك الية***آخر كلامي وياك حبتك حية!!!


رجع المغرم بعد الصدمة...وكال..


اقبل كلامج هاذ بس ما اعوفج***يومية اجيج هنا ويومية اشوفج...!!!!


رجع المغرم يمشي علة اعصابة(مو علة رجليه...ههههههه)


ورجع يتمنى قبولها........بس هالمرة منو بدا يحجي؟؟؟؟


هية بدت بالكلام...وكالت...!!!


ها خوية شو رديت شنهي القضية......مافاد حجيي وياك ذيج المسية


جاوبهة المغرم بلهفة...


رديت الج مشتاك صدكي يحلوة........عتني عليج الشوك مو بيدي كوة


طلعت البنية بعد كل هالهوسة تحب الصراحة!!! وكالت...


سولفلي قصتك كول حلوة الصراحة.....انتفع بيهة هواي واشعر براحة


سولفلها صاحبنة المغرم بصراحة تامة وكال.....


حجيي الصريح وياج آنة هويتج........واليوم اجي خطاب واتعنة بيتج...


من سمعت بيهة خطوبة البنية.....لانت شوية....وكالتلة كلمة...عيني!!!!


هلكد يعيني تفيض شوك ومحبة......طيب وعالاخلاق كلبك تربّة....


خطية مغرمنا.......بدة ينتظر الرد الصريح....وكال...


ها يبعد هالروح ما جاوبيتي.......كافي شلاع كلوب كولي رضيتي...


جاوبت البنية...


والله رضيت اهواك اسرني حبك.......واتمنى اعيش وياك واتمنى كربك


جاوب المغرم بعد كل هالعذاب....فرحان ومرتاح...وكال...


همي يحلوة انزال من هالمودّة.........غيم الحزن والآه بيدج تعدّة...


ضحكت هية وكالت......(شوفوا بدة الاستغلال...!!!!) و


يلة دشيل الماي خلينة نمشي......صرنة اهل واحباب وانتهى كلشي.,.,.
الرجوع الى أعلى الصفحة اذهب الى الأسفل
http://www.alpaint.tk
نور
vib
vib
avatar

عدد المساهمات : 108
نقاط : 13109
تاريخ التسجيل : 27/08/2010
العمر : 23

مُساهمةموضوع: رد: دارميات مصطفى لاسدي   السبت سبتمبر 04, 2010 8:26 am

دبدوب دبدوب دبدوب


مشكور
الرجوع الى أعلى الصفحة اذهب الى الأسفل
 
دارميات مصطفى لاسدي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الرسام قصي حميد Forums of the artist qaussy hameed :: أقسام الأغاني و الموسيقى - Music Section :: قسم للخواطر والشعر للهواه-
انتقل الى: