قصيدة عن فراق حبيبين بسبب الطائفية

فراق حبيبين بسبب الطائفية

صدك تقبل حبيبي لغيري هسه تصير
وصدك مليت مني وبعد متحبني

وصدك هانت عليك اسنينه الحلوات
وما هانت عليك شلون تتركني

من يمته المذاهب نحسبلها حساب
ومن الطوائف جانت تهمني

انه لمن عشكتك ما سألت الناس
ولاجنت ادري اصلك شيعي لو سني

شجاك تغيرت وبكلبك انته شصار
جنت تموت بيه وجنت تعبدني

وجنت اتنفسك وانتهالهوه بدنياي
وجنت لو تبتعد لحظات تخنكني

معقولة الورد ينكر جميل الماي
وانته بهالسهولة تنازلت عني

ما أنكر مقصر اجت فترة وياك
لكن مو بدية الوكت يجبرني

شفت يمك نفط وبين اديك الماي
وانه بناري أشتعل ردتك تخلصني

لكيتك بالعكس مايك شمرته ابعيد
وجبت النفط بيدك حتى تحركني

شسولفلك بعد طعم السوالف راح
ردت منك توافي وخيبت ظني

أدري الوكت هو الخله كلبك هيج
وادري الطائفية الباكتك مني

وقبلل لا تبتعد عندي سوأل ارجوك
فكر ويه روحك وعود جاوبني

باجر لو متت وتشوفني بتابوت
هم تبجي عليه وبعد تذكرني

هم تبجي عليه وبعد تذكرني؟؟؟؟؟؟؟؟

@@@@@@@@@@@@@@ انشاءالله يعجبكم وماكو فرق بين الاثنين كلنا اخوه

تسلم يااستاذي الغالي نورت الموضوع

يسلمو ايديك ياأستاذ على الشعر فعلا كتير حلوة

العبارات جميله بالفعل ومشكورين على هالكلام الطيب نورتو موقعكم يا اعزاء تحياتي

نورت استاذي العريز الموضوع

تحياتي